Lausar stöður við Leikskóla Fjallabyggðar

Leitað er eftir einstaklingum sem eru tilbúnir til að viðhalda og byggja upp öflugt skólasamfélag af dugnaði og atorku samkvæmt gildandi fræðslustefnu, með virðingu, metnað og gleði að leiðarljósi. Gildi skólasamfélagsins í Fjallabyggð eru: Kraftur - Sköpun - Lífsgleði

Leikskóli Fjallabyggðar er 8 deilda leikskóli með um 120 nemendur og starfsstöðvar í Ólafsfirði og Siglufirði.  Í leikskólanum er m.a. unnið með námsefnið Leikur að læra og Lífsleikni í leikskóla.  Nánari upplýsingar um leikskólann má finna á http://leikskolifjallabyggdar.leikskolinn.is. Nánari upplýsingar um Fjallabyggð er að finna á heimasíðunni www.fjallabyggd.is

Eftirfarandi stöður eru lausar til umsóknar við leikskólann. 

  • Stöður kennara með deildarstjórn.
  • Stöður kennara.

Menntunar- og hæfniskröfur

  • Leyfi til að nota starfsheitið kennari
  • Reynsla af kennslu í leikskóla er kostur
  • Færni í að vinna í teymum og að fjölbreyttum verkefnum
  • Skipulögð vinnubrögð, sjálfstæði og frumkvæði, góðir samskiptahæfileikar og þjónustulund.

Ráðið er í stöðurnar frá 10. ágúst 2020.

Laun eru greidd samkvæmt kjarasamningi Félags leikskólakennara og Sambands íslenskra sveitarfélaga.

Upplýsingar veitir Olga Gísladóttir skólastjóri Leikskóla Fjallabyggðar í gegnum netfangið olga@fjallaskolar.is eða síma 848-7905. Umsóknum skal skila á netfangið olga@fjallaskolar.is. Öllum umsóknum verður svarað.