Um heilsueflandi samfélag

Fjallabyggð er eitt af þeim sveitarfélögum sem undirritað hefur samstarfssamning við Embætti landlæknis um verkefnið Heilsueflandi samfélag. 

Í stýrihópi um heilsueflandi samfélag Fjallabyggðar sitja:

Heilsugæslan: Guðrún Helga Kjartansdóttir.
Eldri borgarar: Björn Þór Ólafsson, s. 8998270, btho@simnet.is
UÍF: Þórarinn Hannesson, s. 8656543, toti@mtr.is
GF og LF: María Bjarney Leifsdóttir, s. 6632969, maja@fjallaskolar.is
Fjallabyggð: Ríkey Sigurbjörnsdóttir deildarstjóri FFM, s. 8445819, rikey@fjallabyggd.is
 

Samningurinn er aðgengilegur til lestrar hér.

Heilsueflandi samfélag er samfélag þar sem tekið er mið af heilsu og vellíðan allra íbúa í stefnumótun og aðgerðum á öllum sviðum. Í Heilsueflandi samfélagi er unnið markvisst lýðheilsustarf með lýðheilsuvísa, gátlista og önnur viðeigandi gögn til að meta stöðuna með tilliti til þarfa íbúa á öllum æviskeiðum og forgangsraða í samræmi við þá greiningu.

Meginmarkið samstarfsins er að skapa umhverfi og aðstæður sem stuðla að heilbrigðum lífsháttum, heilsu og vellíðan allra íbúa í Fjallabyggð.

Leiðarljós Heilsueflandi samfélags:

  • Virk þátttaka samfélagsins í heild með aðkomu lykilhagsmunaaðila.
  • Starfið byggir á bestu þekkingu og reynslu á hverjum tíma.
  • Valda ekki skaða (do no harm) með því að huga ávallt að áhrifum starfsins á andlega, líkamlega og félagslega heilsu og vellíðan allra íbúa.
  • Jöfnuður til heilsu með almennum aðgerðum og aðgerðum sem taka tillit til viðkvæmra hópa.
  • Sjálfbærni, skipuleggja starfið og leggja grunninn að árangri til lengri tíma litið.

Fjallabyggð:

  • Ber ábyrgð á starfinu og vinnur í samræmi við meginmarkmið og leiðarljós HSAM samanber 1. grein.
  • Tilnefnir tengilið við EL og stuðlar að virku starfi og reglulegri aðkomu lykilhagsmunaaðila með því að hafa starfandi stýrihóp, og eftir þörfum aðra samráðshópa, sem hittast reglulega og horfa heildstætt á málin m.t.t. ólíkra þarfa allra íbúa.
  • Setur fram stefnu, markmið og aðgerðaáætlun og metur árangur og framvindu starfsins.
  • Notar vinnusvæðið heilsueflandi.is og leggur þannig til gögn í árlega skýrslu um stöðu og framvindu starfsins. 

Embætti landlæknis:

  • Styður við starfið m.a. með ráðgjöf, auðkennisefni, gátlistum fyrir helstu áhersluþætti HSAM og útgáfu lýðheilsuvísa.
  • Leggur til vinnusvæðið heilsueflandi.is sem m.a. útbýr árlegar skýrslur um stöðu og framvindu starfsins.

Allar frekari upplýsingar um verkefnið er að finna á heimasíðu Landlæknisembættisins.

Fréttir

Undirskrift samnings um Heilsueflandi samfélag

Mánudaginn 11. júní sl. var samningur milli Fjallabyggðar og Embætti landlæknis um Heilsueflandi samfélag undirritaður. Gunnar I. Birgisson bæjarstjóri undirritaði samninginn fyrir hönd Fjallabyggðar og Alma D. Möller landlæknir undirritaði fyrir hönd Embætti landlæknis.
Lesa meira

Heilsueflandi samfélag

Áfram verður unnið að innleiðingu verkefnisins Heilsueflandi samfélag í Fjallabyggð. Tekin hefur verið ákvörðun um að stofna 5 manna stýrihóp fyrir verkefnið og unnið að formlegri umsókn um þátttöku í verkefninu.
Lesa meira

Fjallabyggð heilsueflandi samfélag

Föstudaginn 23. júní sl. var tilkynnt um úthlutun úr Lýðheilsusjóði fyrir árið 2017 og hlaut Fjallabyggð 350 þúsund króna styrk fyrir verkefnið Heilsueflandi samfélag.
Lesa meira