Í Fjallabyggð er öflugt íþrótta og tómstundastarf þar sem allir ættu að geta fundið tómstundir og/eða íþróttir við sitt hæfi, hvort sem það er að renna fyrir fisk í höfninni, sparka bolta, skella sér í sund, fara á skíði eða í gönguferð um þær stórkostlegu náttúruperlur sem Fjallabyggð státar af.
Við sameiningu Siglufjarðar og Ólafsfjarðar árið 2006 í Fjallabyggð opnuðust nýjar leiðir varðandi nýtingu íþróttasvæða í sveitarfélaginu. Samnýting á mannvirkjum og mannskap mun gera okkur kleift að efla þá þjónustu og aðstöðu sem fyrir er.
Það er frístundanefnd sem fjallar um málefni á sviði íþrótta- og tómstunda.
Samkvæmt skipuriti Fjallabyggðar sem var samþykkt í bæjarstjórn 15. maí 2007 hefur íþrótta- og tómstundafulltrúi yfirumsjón með málaflokknum, einnig er hann starfsmaður frístundanefndar.
