30. janúar 2012

72. fundur Fræðslunefndar Fjallabyggðar
haldinn í ráðhúsinu á Siglufirði mánudaginn 30. janúar 2012
og hófst hann kl. 16:00.

Fundinn sátu: S. Guðrún Hauksdóttir, Helga Helgadóttir, Jakob Kárason, Sólrún Júlíusdóttir, Katrín Freysdóttir og Karítas Skarphéðinsdóttir Neff.
Fundargerð ritaði: Karítas Skarphéðinsdóttir, fræðslu- og menningarfulltrúi.

Fyrir var tekið:

1.  1201096 - Málefni Tónskóla Fjallabyggðar
Undir þessum lið sátu: Magnús G. Ólafsson skólastjóri Tónskóla Fjallabyggðar, Elías Þorvaldsson aðstoðarskólastjóri og Ave Tonisson f.h.kennara.

a) Næsta haust mun gjaldskrá Tónskólans hækka um 9%. Einnig munu afsláttareglur breytast. 
 
Gjaldskrá Tónskóla Fjallabyggðar 2012-2013
Heilt nám kr. 48.000 - fyrir veturinn.
Hálft nám kr. 33.000 - fyrir veturinn.
Hljómsveitir og hóptímar kr. 28.000 - fyrir veturinn.

Fullorðnir, heilt nám kr. 58.000 - fyrir veturinn.
Fullorðnir, hálft nám kr. 45.000 - fyrir veturinn.
Söngnám á framhaldsstigi  kr. 71.000 - fyrir veturinn.
Hljóðfæraleiga kr. 7.000 - fyrir veturinn.

Skólagjöldum er skipt á fjóra gjalddaga okt. - des. - feb. - apr.

Fullorðnir greiða fullt gjald, afsláttur reiknast frá einu barni.
1. barn greiðir 100%
2. barn greiðir 80%
3. barn greiðir 60%
4. barn greiðir 40%

Hljóðfæraleiga
Skólinn leigir út hljóðfæri á sanngjörnu verði og eiga nemendur kost á því að halda þeim í allt að 2 ár. Að þeim tíma liðnum er reiknað með að þeir eignist sín eigin hljóðfæri.

b) Fjárhagsáætlun 2012.
Farið yfir liði í fjárhagsáætlun.

c) Rekstur tölvukerfis og launakostnaður umsjónarmanns.
Kostnaður vegna tölvuumsjónarmanns skiptist niður á þrjár skólastofnanir.

d) Skóladagatal og nemendafjöldi vorannar.
Það styttist í hæfileikakeppni grunnskólans sem tónskólinn mun taka þátt í. Tónskóli Fjallabyggðar fer í vetrarfrí á sama tíma og Grunnskóli Fjallabyggðar.
Nemendafjöldi í tónskólanum er nú 147 talsins. Píanó, söng og gítarnám er vinsælast. Prófavikan er í lok mars. Vortónleikar eru í apríl.

e) Húsnæðismál Tónskóla Fjallabyggðar í Tjarnarborg.
Skólastjórar lögðu fram teikningar af framtíðarhúsnæði Tónskóla Fjallabyggðar í Tjarnarborg, Ólafsfirði.
   
3.  1201038 - Endurskoðun og samanburður launa og ræstingasamninga á Leikskálum og Leikhólum
Fræðslunefnd hefur óskað eftir endurskoðun launa- og ræstingasamninga á Leikskálum og Leikhólum. Fræðslu- og menningarfulltrúa falið að afla nánari gagna varðandi ræstingar.
   
4.  1201068 - Endurskoðun Securitas þjónustasamninga vegna leikskólans
Fræðslu- og menningarfulltrúi hefur, að ósk fræðslunefndar skoðað þjónustusamninga um brunaviðvörunarkerfi og innbrotaviðvörunarkerfi vegna Leikskóla Fjallabyggðar.
Fræðslunefnd óskar eftir frekari upplýsingum.
   
5.  1201057 - Skólavogin - nýtt matskerfi í samvinnu við Samband íslenskra sveitarfélaga
Samband íslenskra sveitarfélaga og Skólapúlsinn hafa gert með sér samstarfssamning til að vinna sameiginlega að uppbyggingu verkefnisins ,,Skólavogin". Skólavogin auðveldar framkvæmd ytra mats í grunnskólum og fer af stað næsta haust. Markmiðið er að gefa sveitarstjórnum og skólastjórnendum möguleika á að fylgjast kerfisbundið með þróun ýmissa þátta í skólastarfinu. Skólavogin byggir á þremur megin stoðum. Þær eru sem hér segir:
a) Námsárangur nemenda
b) Lykiltölur er varða rekstur grunnskólans svo sem rekstrarkostnaður á hvern nemanda
c) Viðhorf nemenda, foreldra og starfsmanna gagnvart skólastarfinu
 
Kostnaður fyrir Fjallabyggð er á bilinu kr. 489.000 - 589.000 á árinu 2012 -2013. Þar sem ekki var gert ráð fyrir fjármagni í verkefnið árið 2012 verður ákvörðun tekin við gerð næstu fjárhagsáætlunar.
   
6.  1201028 - Reglur um skólaakstur í Fjallabyggð
Fræðslunefnd fór yfir drög að reglum um skólaakstur í Fjallabyggð. Nefndin kom með ábendingar og fræðslu- og menningarfulltrúa falið að setja breytingar inn í reglurnar.
   
7.  1201066 - Verklagsreglur milli skólaráðs grunnskólans / foreldraráðs leikskólans, skólastjóra, fræðslufulltrúa og fræðslunefndar
Skýra þarf betur verklagsreglur milli foreldraráðs leikskólans / skólaráðs grunnskólans, skólastjóra, fræðslu- og menningarfulltrúa og fræðslunefndar.
   
8.  1201094 - Foreldrafundur Grunnskóla Fjallabyggðar með skólaráði, fræðslunefnd, fræðslufulltrúa og íþrótta- og tómstundafulltrúa
Aðalfundur foreldrafélags Grunnskóla Fjallabyggðar verður haldinn 14. febrúar nk. Skólastjóri hefur óskað eftir ýmsum aðilum skólasamfélagsins, s.s. skólaráði, fræðslunefnd, fræðslu- og menningarfulltrúa og íþrótta- og tómstundafulltrúa.
Fræðslu- og menningarfulltrúi mun kynna nýja Aðalnámskrá grunnskóla og íþrótta- og tómstundafulltrúi kynnir vinnu við forvarnarstefnu Fjallabyggðar. Fræðslunefnd verður með kynningu á stækkun húsnæðis Grunnskóla Fjallabyggðar.
Fræðslunefnd hvetur foreldra /forráðamenn til að mæta á fundinn.    

Fleira ekki gert.  Fundi slitið kl. 19:00.