Flýtilyklar
Leit
1. júlí 2010
28. fundur Atvinnu- og ferðamálanefndar Fjallabyggðar
haldinn sem fjarfundur í ráðhúsinu á Siglufirði og á bæjarskrifstofunum í Ólafsfirði fimmtudaginn 1. júlí 2010 og hófst hann kl. 17:00.
Fundinn sátu: Ásgeir Logi Ásgeirsson, Ólína Þ. Guðjónsdóttir, Sæbjörg Ágústsdóttir, Guðmundur Eggertsson, Þorgeir Bjarnason og Inga Eiríksdóttir.
Fundargerð ritaði: Inga Eiríksdóttir, Markaðs- og kynningarfulltrúi.
Fyrir var tekið:
1. 0810027 - Erindisbréf atvinnu- og ferðamálanefndar
Nefndarmönnum kynnt drög að erindisbréfi atvinnu- og ferðamálanefndar.
2. 1006068 - Formreglur stjórnsýslunnar
Nefndarmönnum kynntar helstu formreglur stjórnsýslunnar.
3. 1003062 - Fyrirspurn til fiskistofu
Kynning á verkefni fyrri nefndar og framvinda á upplýsingaöflun frá Fiskistofu.
Nefndarmönnum gerð grein fyrir samskiptum fyrri nefndar við Fiskistofu og þeim upplýsingum sem þaðan hafa komið.
4. 1005101 - Upplýsingaöflun um kvótamál 2008/2009
Kynning á verkefni fyrri nefndar og framvinda upplýsingaöflunar um nýtingu, veiðar og vinnslu byggðakvóta 2008/2009.
Nefndarmönnum gerð grein fyrir samskiptum við útgerðarfyrirtæki í bænum og þeim upplýsingum sem frá þeim hafa komið.
5. 1005113 - Kynning á stöðu styrkveitinga 2009 og 2010
Kynning á hlutverki nefndarinnar við styrkveitingar til frumkvöðla og fyrirtækja, og stöðu styrkja 2009 og 2010.
Reglur um styrkveitingar til frumkvöðla og fyrirtækja kynntar fyrir nefndarmönnum. Nefndarmönnum sýnd dæmi að umsókn, samningi og fleiri gögnum sem fylgja slíkum verkefnum. Nefndarmönnum einnig gerð grein fyrir fyrri styrkveitingum og stöðu þeirra.
Nefndin leggur til að skipulagður verði kynningarfundur með hinum ýmsu aðilum sem styðja við nýsköpun í atvinnumarkaði.
6. 1006041 - Umbætur á tjaldstæðinu á Siglufirði
Tillaga að áætlun að undirbúningi á umbótum á tjaldstæðinu á Siglufirði.
Tillagan kynnt nefndarmönnum.
7. 1006042 - Umbætur á tjaldstæðinu í Ólafsfirði
Tillaga að áætlun að undirbúningi á umbótum á tjaldstæðinu í Ólafsfirði.
Tillagan kynnt nefndarmönnum.
Fleira ekki gert. Fundi slitið kl. 18:30.
Mynd augnabliksins
